Li Machu Picchuyê Lêkolînên Şûnwarnasan

Şûnwarnas li Machu Picchuyê şopên çanda-keleporeke din ku ji çanda Împaratoriya Înkayê kevntir e, vedîtin. Rojnameya Perûyê ya bi navê El Comercio vedîtina petroglîfê wiha ragihandin; “Lêkolîner di lêkolînên xwe de rastî petroglîfekî hatin ku birîn û şopên li ser petroglîfê ji huner û hostatiya Înkayiyan cuda bû.”

Şûrwarnas José Bastante wiha dibêje; wêneyê ku şivan bi lamayê re hatiye xêzkirin li ser baxir-zinarekî ya bi qasî 100metre ji bajarê Machu Picchuyê dûr bû, hate vedîtin û bi qasî 800 salan kevn e. Machu Picchu di serdema 15an de ji aliyê Înkayiyan ve hatiye avakirin, wêneyê vedîtî delîl û jêderka pêşin e ku destnîşana çandeke din ya beriya çanda Înkayiyan dike. Ji bo ku lêkolîner û şûrwarnas di lêkolîna xwe de aciz nebin, cihê lêkolînê nehatiye diyarkirin û serîlêdana cihê lêkolînê jî ne pêkan e. 

Metîn Eser

Çavkanî: BELGA