Felsefe : yewna çarçewa ra ewnîyayîş

Ramazan Yalinkaya: Felsefe : Yewna çarçewa ra ewnîyayîş 

Pêro merdimî wayîrê yew fikrî yê û cuya xo goreyê nê fikrî vîyarnenê. Fikrê ma çendê binê tesîrê sewbîna çîyan de bimanî zî, dorûverê ma û merdimê ke dorûverê ma de yê çendê fikranê ma sero hukm bikerî zî, dînî û îdeolojîyî çendêk cuya ma bigêrî binê destanê xo zî, ma eşkenê vacî ke yewna rayîr esto, yew çilaya ke ena tarîtîye de ma rê rayîr mocnena esta. Na çila felsefe bixo ya.     

Seke şima zanenê mintiqaya ke ma tede cuya xo vîyarnenê de fikrê kesan pere nêkenê û binê tesîrê fikranê komelî de manenê. Cuya xo bifikranê xo vîyarnayişî caverdê, ma binî ra nêeşkenê fikranê xo lapanê komelî ra bixelesnê. Edet û qeydeyî dormareyê ma hende girewtê ke ca nêmendo ma xo bileqnî. Ma dînê xo komelî ra gênê, ma îdeolojîyê xo komelî ra gênê, karo ke ma kenê de zî tu tesîrê waştişê ma çin o. Merdimê ke wazenê mîyanê na rewşe ra bineyke bivecî tever û dinya biçimanê xo bivînî ganî paşta xo bişanî felsefe û dime ra ko bieşkî yewna çarçewa ra biewnî. 

Ramazan Yalinkaya

21.03.2016